హైదరాబాద్లోని సెక్యూరిటీ ప్రింటింగ్ ప్రెస్ 96 జూనియర్ టెక్నీషియన్ పోస్టుల భర్తీకి దరఖాస్తులు కోరుతోంది. ఆన్లైన్ పరీక్ష, ఇంటర్వ్యూ, ధృవపత్రాల పరిశీలనతో అభ్యర్థులను ఎంపిక చేస్తారు.
ఏ పోస్టులు.. ఎన్ని?
‣ సూపర్వైజర్ (టీవో-ప్రింటింగ్)-2
‣ సూపర్వైజర్ (టెక్-కంట్రోల్)-5 బీ సూపర్వైజర్ (ఓఎల్)-1
‣ జూనియర్ ఆఫీస్ అసిస్టెంట్-12
‣ జూనియర్ టెక్నీషియన్ (ప్రింటింగ్/ కంట్రోల్): 68
‣ జూనియర్ టెక్నీషియన్ (ఫిట్టర్): 3
‣ జూనియర్ టెక్నీషియన్ (వెల్డర్): 1
‣ జూనియర్ టెక్నీషియన్ (ఎలక్ట్రానిక్స్/ ఇన్స్ట్రుమెంటేషన్):3
‣ ఫైర్మ్యాన్:1
‣ ప్రింటింగ్/ కంట్రోల్, ఇంజినీరింగ్, రిసోర్స్ మేనేజ్మెంట్ విభాగాల్లో ఖాళీలు ఉన్నాయి.
వయసు: సూపర్వైజర్/ సూపర్వైజర్ (టెక్నికల్ కంట్రోల్) పోస్టులకు 18-30 సంవత్సరాలు, జూనియర్ టెక్నీషియన్ (ప్రింటింగ్/ కంట్రోల్) జూనియర్ టెక్నీషియన్ - ఫిట్టర్/ వెల్డర్/ ఎలక్ట్రానిక్స్/ ఇన్స్ట్రుమెంటేషన్ పోస్టులకు 18-25 ఏళ్లు, జూనియర్ ఆఫీస్ అసిస్టెంట్ పోస్టులకు 18-28 ఏళ్ల మధ్య ఉండాలి.
‣ గరిష్ఠ వయసులో ఎస్సీ/ఎస్టీలకు 5 ఏళ్లు, ఓబీసీలకు 3 ఏళ్లు, పీడబ్ల్యూబీడీలకు 10-15 ఏళ్లు, ఎక్స్సర్వీస్మెన్కు 3 ఏళ్ల సడలింపు ఉంటుంది. డిపార్ట్మెంటల్ అభ్యర్థులకు గరిష్ఠ వయసు లేదు.
దరఖాస్తు రుసుము: రూ.600. ఎస్సీ/ ఎస్టీ/ దివ్యాంగ అభ్యర్థులకు రూ.200.
1. జూనియర్ టెక్నీషియన్ (ప్రింటింగ్/కంట్రోల్) - 68: ప్రింటింగ్ ట్రేడ్లో ఎన్సీవీటీ/ ఎస్సీవీటీ గుర్తింపు పొందిన ఫుల్టైమ్ ఐటీఐ సర్టిఫికెట్ ఉండాలి. లిథో ఆఫ్సెట్ మెషీన్ మైండర్/ లెటర్ ప్రెస్ మెషీన్ మైండర్/ ఆఫ్సెట్ ప్రింటింగ్/ ప్లేట్మేకింగ్/ ఎలక్ట్రో ప్లేటింగ్/ ఫుల్టైమ్ ఐటీఐ ఇన్ ప్లేట్ మేకర్ కమ్ ఇంపోజిటర్/ హ్యాండ్ కంపోజింగ్ ఉండాలి. లేదా ప్రింటింగ్ టెక్నాలజీలో ఫుల్టైమ్ డిప్లొమా ఉండాలి.
2. జూనియర్ ఆఫీస్ అసిస్టెంట్ - 12: 55 శాతం మార్కులతో డిగ్రీ పాసవ్వాలి. కంప్యూటర్పైన టైపింగ్ స్పీడ్ ఇంగ్లిష్లో నిమిషానికి 40 పదాలు/ హిందీలో 30 పదాలు.
ఎంపిక: జూనియర్ టెక్నీషియన్ (ప్రింటింగ్/ కంట్రోల్/ ఫిట్టర్/ వెల్డర్/ ఎలక్ట్రానిక్స్/ ఇన్స్ట్రుమెంటేషన్), ఫైర్మెన్ పోస్టులకు..
‣ ప్రశ్న పత్రంలో పార్ట్-ఎ, బి ఉంటాయి. 120 ప్రశ్నలకు, 150 మార్కులు. వ్యవధి 120 నిమిషాలు.
‣ పార్ట్-ఎలో: జనరల్ అవేర్నెస్ 15 ప్రశ్నలు - 15 మార్కులు, అరిథ్మెటిక్ 15 ప్రశ్నలు - 15 మార్కులు, బేసిక్ ఇంగ్లిష్ లాంగ్వేజ్ స్కిల్స్ - 15 ప్రశ్నలు - 15 మార్కులు, జనరల్ ఇంటెలిజెన్స్ అండ్ రీజనింగ్ 15 ప్రశ్నలు - 15 మార్కులు.
‣ పార్ట్-బిలో: టెక్నికల్ సబ్జెక్ట్ (విద్యార్హతలకు సంబంధించిన) 60 ప్రశ్నలకు 90 మార్కులు.
ఆన్లైన్ దరఖాస్తుకు చివరి తేదీ: 15.04.2024
వెబ్సైట్: https://spphyderabad.spmcil.com/en/
-----------------------------------------------------------------------------------------------------------
మరింత సమాచారం... మీ కోసం!
‣ జీవ శాస్త్రాల్లో కొలువుకు విస్తృత అవకాశాలు
‣ మార్కులకు పరిష్కారం.. పునశ్చరణే!